Ֆրանսիան և Հնդկաստանը Ուկրաինայի համար խաղաղության նոր ծրագիր են պատրաստում

Հնդկաստանն ու Ֆրանսիան ուկրաինական հակամարտության կարգավորման նոր ծրագիր են մշակում, որը խիստ տարբերվում է ավելի վաղ առաջարկվածներից: «ՌԻԱ նովոստի»-ի փոխանցմամբ, նման բովանդակությամբ լուր է տարածել Le Monde թերթը։

«Ֆրանսիան Հնդկաստանին համարում է կարևոր գործընկեր Ռուսաստանի և Ուկրաինայի միջև խաղաղ բանակցությունների նոր պլան ստեղծելու համար»,-աղբյուրին մեջբերում է URA.ru-ն։

Հաղորդվում է, որ ուկրաինական հակամարտությունը եղել է Փարիզում Ֆրանսիայի նախագահ Էմանուել Մակրոնի և Հնդկաստանի վարչապետ Նարենդրա Մոդիի զրույցի հիմնական թեման, քանի որ այս իրավիճակը բարդացնում է Ֆրանսիայի և գլոբալ հարավի երկրների հարաբերությունները։

Ավելի վաղ Sputnik-ռադիոն գրել էր, որ Հնդկաստանը հայտարարել է Ուկրաինայի կարգավորմանը նպաստելու իր պատրաստակամության մասին։