Ռոնալդուն հայտնվել է Գինեսի ռեկորդների գրքում՝ որպես 2023 թվականի ամենաբարձր վարձատրվող մարզիկ

Սաուդյան Արաբիայի  Ալ-Նասրի և Պորտուգալիայի հավաքականի հարձակվող Կրիշտիանու Ռոնալդուն ընդգրկվել է 2023 թվականի Գինեսի ռեկորդների գրքում՝ որպես տարվա ամենաբարձր վարձատրվող մարզիկ։ Այս մասին հայտնում է կազմակերպության մամուլի ծառայությունը։

Ըստ Forbes-ի, 38-ամյա հարձակվողը 2022 թվականի մայիսի 1-ից մինչև 2023 թվականի մայիսի 1-ը վաստակել է 136 միլիոն դոլար:

Գազետա.ռու-ի փոխանցմամբ,  այս գումարը ներառում է աշխատավարձը, մրցանակային գումարը, պայմանագրով նախատեսված բոնուսային վճարումները, ինչպես նաև կոմերցիոն միջոցառումներին մասնակցելու համար ստացված ֆինանսները։

Նախորդ տարի արգենտինացի հարձակվող Լիոնել Մեսսին էր ճանաչվել տարվա ամենաբարձր վարձատրվող մարզիկ՝ 130 մլն դոլար արդյունքով։