Ամենից շատ կարդացված նյութեր
.png "Իրանի ԱԳՆ-ն դատապարտում է Ղրիմի կամրջի վրա հարձակումը")
Իրանի իշխանությունները կարծում են, որ երկուշաբթի գիշերը Ղրիմի կամրջի վրա կատարված ահաբեկչությունը խաթարում է միջազգային խաղաղությունն ու անվտանգությունը։ ՏԱՍՍ-ը հայտնում է, որ այդ մասին հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Նասեր Կանանի Չաֆին։
«Մենք ցանկացած գործողություն, որն ուղղված է Ուկրաինայում հակամարտության սրմանը, համարում ենք ոչ կառուցողական, որը խաթարում միջազգային խաղաղությունն ու անվտանգությունը»,-ասել է նա Թեհրանում կայացած մամուլի ասուլիսի ժամանակ՝ մեկնաբանելով Ղրիմի կամրջի վրա հարձակումը։ Դիվանագետը նշել է, որ հակամարտության սրումը Թեհրանում անհանգստություն է առաջացնում։ Իրանական Fars լրատվական գործակալությունը հայտնել է, որ Իսլամական Հանրապետությունը դատապարտել է հարձակումը։
Քանանի Չաֆին նաև ասել է, որ Իրանը մերժում է հակամարտող կողմերից մեկին «արգելված զենք» ուղարկելու վերջին որոշումը։ Նա հավելել է, որ Թեհրանը հավատում է ճգնաժամի քաղաքական կարգավորմանը։
Studio One