Իրաքյան Քրդստանի նախագահը հուլիսի 18-ին պաշտոնական այցով կժամանի Բաքու

Իրաքյան Քրդստանի նախագահ Նեչիրվան Բարզանին հուլիսի 18-ին պաշտոնական այցով կժամանի Բաքու։ ՏԱՍՍ-ը գրում է, որ այդ մասին երկուշաբթի օրը հայտնել է նրա գրասենյակը։

«Իրաքյան Քրդստանի նախագահը պաշտոնական այցով երեքշաբթի օրը՝ հուլիսի 18-ին կմեկնի Ադրբեջան և Բաքվում կհանդիպի նախագահ Իլհամ Ալիևին»,-հաղորդում է Rudaw հեռուստաալիքը։

Ըստ գրասենյակի՝ Բարզանին մտադիր է Ալիևի հետ քննարկել Իրաքի և ինքնավար մարզի հետ Ադրբեջանի հարաբերությունները, ինչպես նաև տարբեր ոլորտներում համագործակցության ամրապնդումը։