Ղրիմում այրվող զորավարժարանի մոտ գտնվող մի քանի գյուղերի բնակիչներ մեկ օրով կտարհանվեն

Ղրիմի իշխանությունները որոշել են մոտավորապես մեկ օրով տարհանել այրվող զորավարժարանի մոտ գտնվող գյուղերի բնակիչներին: «ՌԻԱ նովոստի»-ն գրում է, որ իր Telegram ալիքում այդ մասին հայտնել է շրջանի ղեկավարի խորհրդական Օլեգ Կրյուչկովը։

«Չորս գյուղ տարհանում են, մոտավորապես մեկ օրով»,- ասվում է հրապարակման մեջ։

Տարածաշրջանային արտակարգ իրավիճակների նախարարությունը պարզաբանել է, որ տարհանումը կազդի Կրինիչկի, Այվազովսկոյե, Աբրիկոսովկա և Պրիվետնոյե գյուղերի մոտավորապես 2225 բնակիչների վրա։

Այսօր առավոտյան Ղրիմի ղեկավար Սերգեյ Ակսյոնովը հայտնել է, որ հրդեհ է բռնկվել Կիրովսկի շրջանի զորավարժարանում, ինչի պատճառով արգելափակվել է Տավրիդա մայրուղու մի հատվածը։