Ֆրանսիայում ավելի քան հազար մարդ ազատազրկման է դատապարտվել անկարգություններին մասնակցելու համար

Ֆրանսիայի դատարանները ավելի քան 1000 մարդու ազատազրկման են դատապարտել հունիսի վերջին և հուլիսի սկզբին տեղի ունեցած անկարգություններին մասնակցելու համար։ ՏԱՍՍ-ի փոխանցմամբ՝ այդ մասին չորեքշաբթի RTL ռադիոկայանի եթերում հայտարարել է հանրապետության արդարադատության նախարար Էրիկ Դյուպոն-Մորետին։

«Ազատազրկման է դատապարտվել 1056 մարդ, որից 742-ը ստացել են իրական ժամկետներ, միջին ժամկետը 8,2 ամիս է, 600 մարդ արդեն ուղարկվել է կալանավայրեր»,- ասաց նա։

Նախարարը հավելեց, որ ընդհանուր առմամբ «կայացվել է 1278 վճիռ, որից 95 տոկոսը՝ դատվածության»։

Դյուպոն-Մորետին նաև նշել է, որ մոտ ապագայում դատավարություններ են լինելու ծնողների դեմ, որոնց երեխաները մասնակցել են անկարգություններին։ «Դրանք կլինեն: Ծնողները, ովքեր կարողանում են իրականացնել իրենց ծնողական իրավունքները, բայց չեն անում, վտանգում են երեխաների դաստիարակության գործընթացը: Դրան նվիրված հոդված կա քրեական օրենսգրքում և թույլ է տալիս նման պատիժը»,-ասել է նա: