Իրաքում հրկիզել են Շվեդիայի դեսպանատունը

Իրաքի ԱԳՆ-ն դատապարտել է Բաղդադում Շվեդիայի դեսպանատան հրկիզումը, հայտնում է Agence France-Presse-ը՝ վկայակոչելով դիվանագիտական ներկայացուցչության հայտարարությունը։ Լուրը հայտնում է «ՌԻԱ նովոստի»-ն:

«Իրաքը դատապարտել է ցուցարարների կողմից Բաղդադում Շվեդիայի դեսպանատան հրկիզումը»,-հայտնում է գործակալությունը՝ վկայակոչելով Իրաքի ԱԳՆ-ի հայտարարությունը։

Ինչպես նշվում է երկրի արտաքին գործերի նախարարության հայտարարության մեջ, Իրաքի իշխանությունները հանձնարարել են «անվտանգության համապատասխան ծառայություններին շտապ հետաքննություն անցկացնել և ձեռնարկել բոլոր անհրաժեշտ միջոցները՝ դեպքի հանգամանքները պարզելու և մեղավորներին բացահայտելու համար»։

Ավելի վաղ Reuters-ը, վկայակոչելով աղբյուրներ, հայտնել էր, որ հարյուրավոր ցուցարարներ հինգշաբթի վաղ առավոտյան ներխուժել են Բաղդադում Շվեդիայի դեսպանատուն և հրկիզել այն։ Դեսպանատան աշխատակիցներից ոչ ոք չի տուժել։ Ցույցը կազմակերպվել է Շվեդիայում Ղուրանի սպասվող այրման ակնկալիքով։