«Հրապարակ». Ով կփոխարինի Եվրադատարանում հայաստանի ներկայացուցիչ Արմեն Հարությունյանին

«Հրապարակ» թերթը գրում է.

«Քանի որ Եվրադատարանում Հայաստանի ներկայացուցիչ դատավոր Արմեն Հարությունյանի ժամկետը լրանում է, նրան որոշել են փոխարինել իշխանությունների սրտի դատավոր` ՍԴ անդամ Վահե Գրիգորյանով: Վերջինս մերձավորներ ունի ե՛ւ Հակակոռուպցիոն դատարանում` ի դեմս իր վաղեմի ընկեր Կարապետ Բադալյանի և Գևորգ Գյոզալյանի, ե՛ւ ԵՄ-Հայաստան քաղաքացիական հասարակության պլատֆորմում` ի դեմս իր սանիկներ Լուսինե Հակոբյանի և Տիգրան Եգորյանի:

Գնալով ՄԻԵԴ՝ վերջինիս ազդեցությունը ՀՀ հասարակական դաշտում և դատական համակարգում առավել կուժեղանա: Իսկ ՍԴ նախագահ Արման Դիլանյանը ցանկանում է տեղափոխվել Եվրասիական տնտեսական միության դատարան, ուր ևս հաջորդ տարվա սկզբին երկու թափուր տեղ է առաջանալու:

«Դիլանյանն էլ է հասկանում, որ իրեն տրված քարտ բլանշը Հայաստանի սահմաններին առնչվող պայմանագրերի վավերացումն է, և դրանից հետո կարող է իրեն թույլ չտան չորրորդ ատյանի կարգով հարցեր լուծել` չունենալով որևէ պատասխանատվություն դրա հետևանքների համար»,- ասաց մեր աղբյուրը»։

Մանրամասները թերթի այսօրվա համարում