Շովիում՝ աղետի գոտում, փրկարարական աշխատանքները վերսկսել են նաև ուղղաթիռները

Շովիում՝ աղետի գոտում, փրկարարական աշխատանքները շարունակվում են արդեն վեցերորդ օրն է։ Ամբողջ գիշեր աղետի գոտում հատուկ լուսարձակներով շարունակաբար որոնողափրկարարական աշխատանքներ են իրականացվել, հայտնում է վրացական «Առաջին ալիք»-ը։

Միաժամանակ Պաշտպանության բանակի զինծառայողները շարունակում են տեղում աշխատել։ Փլուզված հատվածում, որտեղ հնարավոր չէր տեղաշարժվել, տեղադրվել են հավաքովի հետիոտնային կամուրջներ։

Աղետի գոտում աշխատանքը վերսկսել են նաև ուղղաթիռները։

Հիշեցնենք, որ Շովիում օգոստոսի 3-ին սողանք է տեղի ունեցել։ Այս պահին առկա տվյալներով զոհվել է 18 մարդ, աղետի գոտում որոնվում է 17 մարդ։

Փրկարարական գործողության շրջանակներում ավելի քան 200 մարդ տեղափոխվել է անվտանգ վայր։