Նարինե Մանուկյանը բարի լուր է հայտնում Արցախից

«Հայ մայրեր» բարեգործական ՀԿ նախագահ Նարինե Մանուկյանը բարի լուր է հայտնել Արցախից։

«Բարի լուր ասեմ Արցախից, որ մի քիչ ջերմանանք ու ապրենք.

Մի քանի օր առաջ աջակցեցինք Արցախում ապրող 13 մայրանալ պատրաստվող կանանց, բոլորը նաև բազմազավակ ընտանիքներ ունեն:

Երեկ ծնվել է այդ կանանցից մեկի որդին՝ Արամը։

Շրջափակման ու տոտալ անսնունդ վիճակում մարդիկ իրենց 7-րդ, 8-րդ, 10-րդ զավակին են լույս աշխարհ բերում, իսկ մենք այստեղ ինչ որ անկարևոր հարցերի մեջ ենք…

Աստված պահի Արցախս՝ Հայրենիքիս կտորը,  չհանձնվող հայրենակիցներիս ու բոլոր այն մարդկանց, ովքեր անտարբեր չեն և պատրաստակամ են օգնել իրար նեղ օրերին՝ լույսի կտոր դառնալով իրար համար:

Ձեր վերջին փոխանցումներով այսօր ևս 4 բազմազավակ ընտանիքների աջակցեցինք՝ 50.000ական դրամներով, մի ընտանիքի էլ 100.000ով, քանի որ 4 անչափահաս երեխաներ են, որոնց մեծացնում է տատիկը, միայնակ, ծնողները մահացել են: »,-գրել է նա ֆեյսբուքյան իր էջում։