Աշխարհում COVID-19-ով հիվանդացությունը մեկ ամսում աճել է 80 տոկոսով․ ԱՀԿ

Աշխարհում COVID-19  հիվանդացությունը մեկ ամսում աճել է 80 տոկոսով: Այս մասին ասվում է Առողջապահության համաշխարհային կազմակերպության (ԱՀԿ) ամենշաբաթյա համաճարակաբանական ամփոփագրում, փոխանցում է «Ռիա Նովոստի»-ին։

«Ամբողջ աշխարհում վերջին 28 օրվա ընթացքում (2023 թվականի հուլիսի 10-ից օգոստոսի 6-ը) գրանցվել է COVID-19-ի գրեթե 1,5 միլիոն նոր դեպք և ավելի քան 2500 մահ, ինչը համապատասխանաբար 80 տոկոսով ավելի է և 57 տոկոսով պակաս նախորդ 28 օրվա համեմատ», - նշված Է փաստաթղթում։

ԱՀԿ-ն պարզաբանել է, որ հինգ շրջաններ հայտնել են COVID-19-ից դեպքերի և մահվան դեպքերի նվազման մասին: Միաժամանակ, ըստ աղբյուրի, վարակվածների թվի աճ է նկատվում Արևմտյան խաղաղօվկիանոսյան տարածաշրջանում։

Ընդհանուր առմամբ, այս ժամանակահատվածում դեպքերի մասին հայտնել են երկրների և տարածքների 44 տոկոսը (234-ից 103-ը): Օգոստոսի 6-ի դրությամբ ամբողջ աշխարհում գրանցվել է կորոնավիրուսով վարակվելու ավելի քան 769 միլիոն հաստատված դեպք և ավելի քան 6,9 միլիոն մահ:
Հիշեցնենք՝  նախօրեին ԱՀԿ-ն հայտնել էր, որ COVID-19-ի նոր տարբերակը EG.5 («Էրիս») ակտիվորեն տարածվում է ամբողջ աշխարհում: