Ցուկերբերգը վերջնագիր է ներկայացրել Մասկին

Meta ընկերության համահիմնադիր Մարկ Ցուկերբերգը կասկածի տակ է դրել ամերիկացի միլիարդատեր և գործարար Իլոն Մասկի՝ օկտագոնում մենամարտ անցկացնելու մտադրության լրջությունը, գրում է «Ռիա Նովոստի»-ին։

Ավելի վաղ ամերիկացի միլիարդատեր, X (նախկինում «Թվիթեր») սոցիալական ցանցի սեփականատեր Իլոն Մասկը հայտարարել է, որ Մարկ Ցուկերբերգի հետ իր մենամարտը տեղի կունենա Իտալիայում՝ «Հին Հռոմի» ֆոնին: Նա ասել է, որ զրուցել է Իտալիայի վարչապետ Ջորջ Մելոնիի հետ, որը մշակույթի նախարարության հետ պայմանավորվել է մենամարտի «էպիկական» վայրի շուրջ։

Գործարարը հավելել է, որ մենամարտի կազմակերպմամբ զբաղվելու է ոչ թե UFC-ն, այլ Մասկի և Ցուկերբերգի հիմնադրամները:

«Կարծում եմ ՝ մենք բոլորս կարող ենք համաձայնել, որ Իլոնը լուրջ չէ, և ժամանակն է առաջ շարժվել ։ Ես նրան իրական ամսաթիվ առաջարկեցի ։ UFC-ի ղեկավար Դեյն Ուայթը պատրաստակամություն է հայտնել ստանձնել մենամարտի կազմակերպումը, որից ստացված հասույթը կուղղվի բարեգործությանը: Իլոնը չհաստատեց ամսաթիվը, հետո ասաց, որ վիրահատության կարիք ունի, իսկ հիմա նա խնդրում է պարապմունքներ անցկացնել իմ տան բակում։

Եթե Իլոնը երբևէ լրջորեն խոսի իրական ամսաթվի և պաշտոնական իրադարձության մասին, նա գիտի, թե ինչպես կապ հաստատել  ինձ հետ: Հակառակ դեպքում մենք պարզապես կթողնենք այն։ Ես պատրաստվում եմ կենտրոնանալ մրցումների վրա նրանց հետ, որոնք լուրջ են վերաբերվում դրան», - գրել Է Ցուկերբերգը Threads-ում։

Մասկն ավելի վաղ գրել էր, որ պատրաստ է Օկտագոնում Ցուկերբերգի հետ մենամարտին: Ավելի ուշ Ցուկերբերգն առաջարկել է Մասկին ուղարկել գտնվելու վայրը ։ Միլիարդատերերը դիտարկել են Կոլիզեումում մենամարտ անցկացնելու տարբերակը։