Մարոկկոյում օդի ջերմաստիճանը պատմության մեջ առաջին անգամ գերազանցել է 50 աստիճանը

Մարոկկոյի օդերեւութաբանական ծառայությունները կիրակի օրը հաստատել են, որ երկրում այս շաբաթ ջերմաստիճանի նոր ռեկորդ է սահմանվել, գրում է «Ինտերֆաքս»-ը։

Մասնավորապես, երկրում գրանցվել է ռեկորդային ջերմաստիճան՝ 50,4 աստիճան

Ըստ աղբյուրի՝ սա պատմության մեջ առաջին դեպքն է, երբ Մարոկկոյում ջերմաստիճանը գերազանցում է 50 աստիճանը։

Նախորդ ռեկորդը համարվում էր 49,9 աստիճանը, որը գրանցվել էր այս տարվա հուլիսի 13-ին Սմարա քաղաքում:

Նշվում է նաև, որ վերջին օրերին շոգը անտառային հրդեհներ է առաջացրել երկրի հյուսիսում։ Բարեբախտաբար, զոհեր չկան։