Տվերում կործանված ինքնաթիռի վթարի վայրում հայտնաբերվել է ցուցակում առկա 10-ուղևորից 8-ի դիերը

Օգոստոսի 23-ին Մոսկվայից Սանկտ Պետերբուրգ էր թռչող մասնավոր ինքնաթիռը կործանվել է Տվերի մարզի Կուժենկինո գյուղի մոտ։ Օդային տրանսպորտի դաշնային գործակալությունը հայտնել է, որ ուղևորների ցուցակում ներառված է Wagner Group-ի ղեկավար Եվգենի Պրիգոժինի անունն ու ազգանունը։ Նրանք նաև ընդգծել են, որ հատուկ ստեղծված հանձնաժողովը սկսել է հետաքննել աղետը։

Արտակարգ իրավիճակների ծառայության ներկայացուցիչը «ՌԻԱ նովոստի»-ին հայտնել է, որ վթարի վայրում հայտնաբերվել է ութ մարդու դի։ Որոնողափրկարարական աշխատանքները շարունակվում են։

Քննչական կոմիտեն քրեական գործ է հարուցել երթևեկության անվտանգության և օդային տրանսպորտի շահագործման կանոնները խախտելու դեպքի առթիվ։ Դեպքի վայր են մեկնել բաժնի աշխատակիցները, ովքեր կնշանակեն անհրաժեշտ դատաբժշկական փորձաքննություններ։ Նրանք նաև քննչական գործողություններ են իրականացնելու՝ պարզելու աղետի պատճառները։