«Հրապարակ». Ում անունն է շրջանառվում Գրիգոր Մինասյանին փոխարինողների ցանկում

«Հրապարակ» թերթը գրում է.

«Գրել էինք, որ կառավարությունում «աշնանը կհաշվեն ճտերը», և մի քանի նախարար հրաժարական կտա պաշտոնից։ Անգամ փոխարինողների անուններն են սկսել շրջանառվել: Հեռացողներից մեկը, ըստ լուրերի, արդարադատության նախարար Գրիգոր Մինասյանն է։

Ըստ կառավարության աղբյուրի՝ Մինասյանին փոխարինողների ցանկում առաջինը ՄԻԵԴ-ում ՀՀ ներկայացուցիչ Եղիշե Կիրակոսյանն է, ով գլուխը կախ՝ իր գործն է անում միջազգային ատյաններում:

Շրջանառվում է նաև բոլոր ժամանակներում թեկնածուների շարքում պտտվող մի անուն` ԱԺ Պետաիրավական հարցերի մշտական հանձնաժողովի նախագահ Վլադիմիր Վարդանյանի անունը, ով, կարելի է ասել, թիմի միակ իրավաբանն է, ուստի ամեն անգամ գործադիր նրա անցումը կանխվել է։ Մեզ ասացին, որ դեռևս Կարեն Անդրեասյանի՝ նախարարի պաշտոնից հեռանալուց հետո Փաշինյանը հակված է եղել Եղիշե Կիրակոսյանին նշանակել, սակայն Անդրեասյանն ամեն ինչ արել է, որ իր մտերիմ ընկերը նշանակվի»։

Մանրամասները թերթի այսօրվա համարում։