Էրդողանն ու Պուտինը կարող են կրկին հանդիպել Թուրքիայի ղեկավարի՝ ՄԱԿ-ում շփումներ ունենալուց հետո

Թուրքիայի և Ռուսաստանի նախագահներ Ռեջեփ Թայիփ Էրդողանը և Վլադիմիր Պուտինը կարող են նոր հանդիպում ունենալ ՄԱԿ-ում Թուրքիայի ղեկավարի շփումներից հետո, որտեղ սեպտեմբերի 19-25-ը տեղի կունենա կազմակերպության Գլխավոր ասամբլեայի բարձր մակարդակի շաբաթը։ Այս մասին հայտնում է կառավարամետ Hürriyet թերթը։

Էրդողանը դրական է արձագանքել սեպտեմբերի 4-ին Սոչիում կայացած բանակցություններում աֆրիկյան աղքատ երկրներին 1 մլն տոննա հացահատիկի մատակարարման վերաբերյալ Պուտինի առաջարկին։

«Պուտինի հայտարարություններից մենք եզրակացրինք, որ հացահատիկային միջանցքի շուրջ բանակցությունները կշարունակվեն որոշ ժամանակով: Երկու ղեկավարներն էլ կարող են կրկին հանդիպել ՄԱԿ-ում Էրդողանի շփումներից հետո»,-գրում է Թուրքիայի նախագահի աշխատակազմին մոտ կանգնած պարբերականի սյունակագիր Աբդուլքադիր Սելվին:

«Էրդողանը շատ հստակ էր հացահատիկային միջանցքի մասին: Նա նշել է, որ հույս ունի ՄԱԿ-ի հետ համատեղ պատրաստած հացահատիկի գործարքը վերսկսելու առաջարկների փաթեթի հաջողությամբ: Դա ժամանակ կպահանջի»,-գրում է հոդվածագիր Hürriyet-ը:

Ինչպես ՏԱՍՍ-ին հայտնել է տեղի դիվանագիտական աղբյուրը, Թուրքիան առաջիկա օրերին ՄԱԿ-ին կտեղեկացնի երկու երկրների նախագահների՝ Սևծովյան հացահատիկի նախաձեռնության վերսկսման շուրջ Սոչիում կայացած բանակցությունների արդյունքների մասին։