Դեռ ողջ եմ. Վագիֆ Խաչատրյանի նամակը՝ Բաքվից

Ադրբեջանի կողմից հուլիսի 29-ին առևանգված 68-ամյա Վագիֆ Խաչատրյանը օգոստոսի 30-ին նամակ է ուղարկել ընտանիքին: Այս մասին NEWS.am-ի հետ զրույցում պատմեց նրա դուստրերից Ծովինար Խաչատրյանը:

«Գրել էր՝ ձեր մասին եմ մտածում, դեռ ողջ եմ, լավ մնացեք, բարևեք բոլորին: Այժմ գիտենք, որ դեղեր է խմում՝ առավոտյան և երեկոյան: Ասում են՝ առողջական վիճակը նորմալ է: Կարմիր խաչը ամիսը մեկ անգամ այցելում է, դեռ երկրորդ այցելության ժամանակը չի եկել»,- ասել է Ծովինար Խաչատրյանը: