Միրզոյան. Ես Բորելի հետ խոսել եմ Լեռնային Ղարաբաղում Ադրբեջանի մտադրությունների մասին

Նյու Յորքում ՄԱԿ-ի Գլխավոր ասամբլեայի 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպել է ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ Ժոզեպ Բորելի հետ։

«Ես խոսեցի Լեռնային Ղարաբաղում Ադրբեջանի մտադրությունների մասին, որոնք հակասում են միջազգային իրավունքի հիմնարար նորմերին և իսկապես ուղղված են Լեռնային Ղարաբաղի բնակիչներին հայրենիքից զրկելուն։ Միջազգային գործընկերները, այդ թվում ԵՄ-ն, պետք է շտապ քայլեր ձեռնարկեն՝ դա կանխելու համար»,- գրել է Միրզոյանը X-ում (նախկինում՝ Twitter):