Ռուսաստանի ՊՆ-ն հայտնել է խաղաղապահ զորակազմի կենտրոնակայանում հայ խաղաղ բնակչության թվի մասին

Ռազմական գործողությունների դադարեցումից հետո Լեռնային Ղարաբաղում ռուս խաղաղապահների տրամադրության տակ է մնում 1340 խաղաղ բնակիչ: ՏԱՍՍ-ին այդ մասին հայտնել են ՌԴ պաշտպանության նախարարությունից։

Պաշտպանության գերատեսչության տվյալներով՝ նրանց թվում է 607 երեխա։ Ռուս խաղաղապահները բոլոր մարտական գոտիներից տարհանվածներին ապահովում են սնունդով և հանգստի վայրերով։

ՌԴ ՊՆ-ն ընդգծել է, որ ռուսական խաղաղապահ զորախումբը շարունակաբար համագործակցում է Բաքվի և Ստեփանակերտի հետ՝ արյունահեղությունը կանխելու և խաղաղ բնակչության անվտանգությունն ապահովելու համար։