Իրանը թույլ է տվել դեպի Հայաստան թռիչքներ իրականացնել

Իրանը չեղարկել է դեպի Հայաստան և Ադրբեջան ավիաչվերթների, ինչպես նաև այդ երկրներից դեպի Իսլամական Հանրապետություն թռիչքների արգելքը։

Այս մասին գրում է «ՏԱՍՍ» գործակալությունը՝ վկայակոչելով  Իրանի Քաղավիացիայի կազմակերպությանը։

Երբ տեղեկություններ եղան ռազմական գործողությունների բռնկման մասին (Լեռնային Ղարաբաղում), մենք թռիչքների արգելք մտցրինք։ Այսօր հայտնի է դարձել հրադադարի մասին, ուստի որոշ թռիչքներ թույլատրվել է իրականացնել»,- ասել է գերատեսչության ներկայացուցիչը։

Հիշեցնենք, որ սեպտեմբերի 19-ի կեսօրից հետո Ադրբեջանը հարձակվեց Արցախի վրա, ինչի հետևանքով զոհերի թիվը գերազանցում է 200-ը, կա ավելի քան 400 վիրավոր, բազմաթիվ անհետ կորածներ։ Մարդիկ կորցրել են իրենց տները, օրվա մեծ մասն անցկացնում են նկուղներում։