Իրանի զինված ուժերը ներկայացրել են նոր Kamaan 19 անօդաչու թռչող սարք

Իրանի զինված ուժերը ներկայացրել են նոր անօդաչու թռչող սարք (ԱԹՍ)՝ Kamaan 19 անունով, այն հագեցած է էլեկտրոնային պատերազմի համակարգով և արդեն հաջողությամբ անցել է բոլոր փորձարկումները։ «ՌԻԱ նովոստի»-ն գրում է, որ այդ մասին երեքշաբթի օրը հայտնել են Իրանի զինված ուժերից և հաղորդագրությունը տարածել է IRNA գործակալությունը։

«Կամաան 19 անօդաչու թռչող սարքն առաջին անգամ մտավ զինված ուժեր, այն կատարեց մարտական առաջադրանք և հաջողությամբ իրականացրեց էլեկտրոնային պատերազմի գործողություններ՝ ճնշելով ինքնաթիռի ռադիոտեղորոշիչ կայաններից ազդանշանները», - Շեյխի խոսքերն է մեջբերում IRNA գործակալությունը:

Երեքշաբթի օրը Իրանում մեկնարկել են զինված ուժերի անօդաչու թռչող սարքերի ստորաբաժանումների համատեղ զորավարժությունները՝ էլեկտրոնային պատերազմ վարելու և օդային տարածքում մի խումբ անօդաչու սարքերի գործողությունները համակարգելու նպատակով։