ՌԴ խաղաղապահների գործողություններն օգնել են խուսափել Ղարաբաղում ավելի շատ զոհերից․ Շոյգու

Ռուս խաղաղապահների գործողությունները օգնել են խուսափել ավելի շատ զոհերից Լեռնային Ղարաբաղում հակամարտության սրման ժամանակ։ Այս մասին հայտարարել է ՌԴ պաշտպանության նախարար Սերգեյ Շոյգուն, գրում է ՏԱՍՍ-ը։

«Շնորհակալություն եմ հայտնում մեր տղաներին` ռուս խաղաղապահներին, անձնուրաց և պրոֆեսիոնալ գործողությունների համար, որոնք օգնեցին խուսափել ավելի մեծ թվով զոհերից։ Խաղաղապահների ուժերով տուժածներին և կարիքավորներին ցուցաբերվել է համակողմանի բժշկական օգնություն»,- ասել է Շոյգուն։

Նա հայտնել է, որ Լեռնային Ղարաբաղի ավելի քան 98 հազար խաղաղ բնակիչներ, այդ թվում ՝ 32 հազար երեխաներ, Լեռնային Ղարաբաղից տարհանվել են Հայաստանի տարածք ՝ ռուսական խաղաղապահ զորակազմի միջնորդությամբ: