Վագիֆ Խաչատրյանի գործով Բաքվում առաջին դատական նիստն են նշանակել

Ադրբեջանցի ուժայինների կողմից Լաչինի միջանցքից առևանգված  արցախցի Վագիֆ Խաչատրյանի դեմ հարուցված քրեական գործով նախնական դատական նիստը տեղի կունենա հոկտեմբերի 13-ին Բաքվում։

Ինչպես  հայտնում են ադրբեջանական ԶԼՄ–ները, գործը գտնվում է Բաքվի զինվորական դատարանի դատավոր Ջամալ Ռամազանովի վարույթում։

Ադրբեջանում Վագիֆ Խաչատրյանին մեղադրանք են առաջադրել քրեական օրենսգրքի երկու հոդվածների հատկանիշներով՝ ցեղասպանություն ու բռնի տեղահանում։ Նրան Ադրբեջանը մեղադրում է 1991 թվականի դեկտեմբերի 22-ին Մեշալի գյուղում տեղի ունեցած «ցեղասպանության» իրականացման համար։ Ըստ Բաքվի, իբր գործով 59 տուժող կա։

Հիշեցնենք, որ արցախցի 68-ամյա Վագիֆ Խաչատրյանն առևանգվել է հուլիսի 29-ին Լաչինի միջանցքում և տեղափոխվել Բաքու, երբ փորձել է Կարմիր խաչի միջազգային կոմիտեի ուղեկցությամբ Հայաստան տեղափոխվել բուժման նպատակով։