Ամենից շատ կարդացված նյութեր
.jpg "Երուսաղեմի հայ համայնքի շրջանում տուժածներ չկան")
Պաղեստինյան ՀԱՄԱՍ շարժման կողմից ռազմական գործողությունների հետևանքով Երուսաղեմի հայ համայնքի շրջանում տուժածներ չկան, իսկ իրավիճակը Երուսաղեմում հանդարտ է: Այս մասին «Արմենպրես»-ին տեղեկացրել է Հայ դատի Երուսաղեմի հանձնախմբի անդամ Հակոբ Սևանը:
«Այս պահին Երուսաղեմում իրավիճակը հանդարտ է: Բախումները տեղի են ունենում հիմնականում Իսրայելի հարավում, իսկ Երուսաղեմը այդ կենտրոններից բավականին հեռու է: Առավոտյան միայն պայթյունների ձայներ է լսվել, փորձ արվել է ռմբակոծել Երուսաղեմը, սակայն չի հաջողվել: Երուսաղեմում իրավիճակը հանդարտ է, և հայ համայնքի շրջանում տուժածներ չկան»,- նշել է Հակոբ Սևանը:
Նշենք, որ այսօր առավոտյան «Համաս» խմբավորումն անսպասելի հարձակում է գործել Իսրայելի վերահսկողության ներքո գտնվող Գազայի վրա։ Խմբավորման անդամները Գազայի տարածք են ներթափանցել ցամաքային, օդային, ջրային ճանապարհով։ Իսրայելի ողջ տարածքում հայտարարվել է արտակարգ դրություն։ Իսրայելի վարչապետը հայտարարել է, որ երկիրը պատերազմի մեջ է։ Այս պահի դրությամբ Իսրայելի պետական մարմինները հաղորդել են առնվազն 40 զոհի ու 779 վիրավորի մասին։
Studio One