Իսրայելի վարչապետը հայտարարել է «երկաթե թրեր» գործողության առաջին փուլի ավարտի մասին

Իսրայելի վարչապետ Բենիամին Նեթանյահուն հայտարարել է «Երկաթե թրեր» գործողության առաջին փուլի ավարտի մասին՝ ի պատասխան Գազայի հատվածից հարձակման և թշնամու ուժերի մեծ մասի վերացման, գրում է ՏԱՍՍ-ը։

«Առաջին փուլն ավարտվում է այս ժամերին թշնամու ուժերի գերակշիռ մեծամասնության ոչնչացմամբ, որոնք ներթափանցել են մեր տարածք»,- գրել է Նեթանյահուն։

Նա նաև հայտարարել է հարձակման մեկնարկի մասին, որը կշարունակվի «անդադար և շարունակական՝ մինչև սահմանված նպատակներին հասնելը»։

Հիշեցնենք, որ հոկտեմբերի 7-ի Իսրայելը Գազայի հատվածից հրթիռային հարձակման է ենթարկվել։ Պաղեստինյան «Համաս» շարժման ռազմական թևը հայտարարել է, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնել է Գազայի հատվածում «Համասի» դեմ «Երկաթե թրեր» գործողության մեկնարկի մասին: Իսրայելի վարչապետ Բենիամին Նեթանյահուն բնակչությանն ուղղված ուղերձում հայտարարել է, որ Իսրայելը պատերազմական վիճակում է։