Գվինեթ Փելթրոուն «Օսկարի» արձանիկն «օգտագործում» է այգում

Ամերիկացի դերասանուհի, գործարար Գվինեթ Փելթրոուն շրջայց է կատարել իր այգում։ Տեսանյութը հրապարակել է Vogue-ը YouTube-ի իր ալիքում։

Գազետա.ռու-ն գրում է, որ Գվինեթ Փելթրոուն Vogue ամսագրի համար պատասխանել է 73 հարցի։ Այգում լրագրողները նկատել են «Օսկարի» արձանիկը, որին հենված էր մուտքի դուռը:

«Սա իմ հենարանն է։ Այն հիանալի է աշխատում»,- ծիծաղելով պատասխանել է դերասանուհին:

1999 թվականին դերասանուհին «Օսկար» է ստացել «Սիրահարված Շեքսպիրը» ֆիլմում «Լավագույն դերասանուհի» անվանակարգում։