Ամենից շատ կարդացված նյութեր
.jpg "Իրանը չի բացառում Իսրայելի դեմ այլ ճակատներ բացելու հավանականությունը")
Իրանը չի բացառում Իսրայելի դեմ այլ ճակատներ բացելու հավանականությունը
Իրանի արտաքին գործերի նախարար Հոսեյն Ամիր Աբդոլլահիանը հայտարարել է, որ Իսրայելի դեմ պայքարի այլ ճակատների բացումը դեռ հնարավոր է, գրում է ՏԱՍՍ-ը։
«Հաշվի առնելով շարունակվող ագրեսիան ու ռազմական հանցագործությունները, որոնք Իսրայելը կատարում է պաղեստինցիների դեմ, ինչպես նաև Գազայի շրջափակումը, հրեական պետության դեմ այլ ճակատներ բացելու հավանականություն կա», - ընդգծել Է նախարարը Բեյրութ ժամանելուն պես «Al Mayadeen» հեռուստաալիքին տված մեկնաբանության մեջ:
Նրա խոսքով՝ իսլամական պետությունները «չպետք է համակերպվեն այն հանցագործությունների հետ, որոնք ստեղծում է Իսրայելը»: Իրանցի նախարարը ռազմական հանցագործություն է անվանել «քաղաքացիական բնակչությանը ջրից և էլեկտրականությունից զրկելը, ինչպես նաև Գազայի բնակելի շրջանների շարունակական ռմբակոծությունները»:
Աբդոլլահիյանը հավելել է, որ Իրանը «շարունակում է քաղաքական և տեղեկատվական աջակցություն ցուցաբերել Պաղեստինյան դիմադրությանը»:
Studio One