13 իսրայելցի պատանդ է զոհվել Գազայի հատվածում իսրայելական հարվածների հետևանքով

Իսրայելի կողմից Գազայի հատվածի ինտենսիվ հրթիռակոծության հետևանքով զոհվել է 13 պատանդ: «ՌԻԱ նովոստի»-ն գրում է, որ այդ մասին սոցցանցերի իր էջերում հայտնել է Պաղեստինյան ՀԱՄԱՍ շարժման ռազմական թեւը՝ Իզադդին ալ-Քասամ բրիգադները,։

«Վերջին 24 ժամվա ընթացքում Հյուսիսային նահանգը և Գազայի նահանգը սիոնիստների ինտենսիվ ռմբակոծությունների հետևանքով զոհվել են 13 ռազմագերի, այդ թվում՝ օտարերկրացիներ, որոնցից վեցը մահացել են Հյուսիսային նահանգում՝ երկու տարբեր վայրերում, իսկ 7-ը՝ Գազայի նահանգում, երեք տարբեր վայրերում՝ բարբարոս թշնամու ռմբակոծություններից»,- ասվում է հաղորդագրության մեջ։