Մասիսի մանկապարտեզում շուրջ 100 տեղահանված արցախցի է ապրում

Արցախցի Լենա Ավանեսյանին, եղբորորդու ու հարսի հետ տեղահանվածներով բնակեցված Մասիսի մանկապարտեզի մի անկյուն է հասել, խնդրում է՝ «մի փոքրիկ պատ ու դուռ»: Լենա տատիկն ուզում է այս անկյունից դուրս գալիս դուռը փակել, տան զգացողություն է ուզում:

«Ազատություն»-ը պատմում է՝ այս մանկապարտեզում շուրջ 100 տեղահանված արցախցի է ապրում: Արայիկ Հայրիյանը եղբոր, քրոջ ընտանիքների հետ մի խաղասենյակ են զբաղեցրել, շտապում են՝ երբ տուն կգտնեն։

«Չի գտնվում, տուն չկա, հարցը թանկը չի, թանկին էլ մի տեղ կտեղավորվենք, տուն չկա»,-ասում է նա։

1718 արցախցի այսօր ապրում է հարմարեցված կացարաններում՝ մանկապարտեզներ են, մարզադահլիճներ, մշակույթի տներ ու նույնիսկ խաղատան շենքեր: