Տիգրան Ավինյանը երդվեց

Տիգրան Ավինյանը այսօր Երևանի ավագանու հատուկ նիստում երդվեց և ստանձնեց Երևանի քաղաքապետի պաշտոնը:

Հատուկ երդման արարողության համար դահլիճ է բերվել մ.թ.ա. 782 թվականի Էրեբունի-Երևանի հիմնադրման սեպագիր արձանագրությունը:

«Ստանձնելով Հայաստանի մայրաքաղաք Երևանի քաղաքապետի պաշտոնը՝ երդվում եմ Երևանի քաղաքապետի լիազորություններն իրականացնելու ընթացքում պահպանել ՀՀ սահմանադրությունը, օրենքները, Երևանի ավագանու որոշումները, ազնվորեն և բարեխղճորեն կատարել Երևանի քաղաքապետի լիազորությունները, ծառայել Երևանի բարգավաճմանը, գործել ի բարօրություն նրա բնակիչների», - երդվեց Տիգրան Ավինյանը։

Հիշեցնենք, որ Ավինյանը Երևանի քաղաքապետ է ընտրվել հոկտեմբերի 10-ին ավագանու նիստում 32 կողմ, 5 դեմ ձայներով: