Ֆրանսիայում լիցեյի վրա հարձակումից հետո ահաբեկչական սպառնալիքի ռեժիմ է մտցվել

Ֆրանսիայում ահաբեկչական սպառնալիքի ռեժիմ է մտցվել այն բանից հետո, երբ լիցեյում ուսուցիչ է սպանվել: Որոշման մասին հաղորդում է France-Presse-ը՝ վկայակոչելով վարչապետ Էլիզաբեթ Բորնի շրջապատին։

«Վարչապետը որոշել է Vigipirate պլանի զգոնության մակարդակը հասցնել «ահաբեկչական սպառնալիքի»»,-հաղորդում են լրատվամիջոցները՝ հղում անելով վարչապետի աշխատակազմին։

Որոշումն ընդունվել է Ֆրանսիայի նախագահ Էմանուել Մակրոնի նախագահությամբ Անվտանգության խորհրդի արտակարգ նիստից հետո։

Ըստ լրատվամիջոցների՝ վտանգի այս մակարդակը ներդրվում է ահաբեկչությունից անմիջապես հետո կամ երբ ահաբեկչական ճանաչված խումբը, որի գտնվելու վայրը պարզված չէ, գործի է անցնում։

Ահաբեկչական սպառնալիքներին դիմակայելու Vigipirate պլանն առաջին անգամ գործարկվել է 1991 թվականին։