Միջուկային զենքի վերացման միջազգային կոմիտեն դատապարտել է ՆԱՏՕ-ի միջուկային զորավարժությունները

ՆԱՏՕ-ի Steadfast Noon միջուկային զորավարժությունները, որոնք սկսվում են հոկտեմբերի 16-ին Եվրոպայում, անխոհեմ և անպատասխանատու են, հատկապես Ուկրաինայի հակամարտության համատեքստում: «ՌԻԱ նովոստի»-ն գրում է, որ այդ մասին ասվում է Միջուկային զենքի վերացման միջազգային կոմիտեի (ICAN) մամուլի հաղորդագրության մեջ։

Ավելի վաղ ՆԱՏՕ-ի գլխավոր քարտուղար Յենս Ստոլտենբերգը հայտարարել էր, որ հաջորդ շաբաթ դաշինքը կանցկացնի իր ամենամյա Steadfast Noon միջուկային զսպման զորավարժությունները, որը տեղի կունենա Իտալիայում, Խորվաթիայում և Միջերկրական ծովում։ ՌԴ փոխարտգործնախարար Սերգեյ Ռյաբկովը հայտարարել է, որ Ռուսաստանն իր ռազմական պլանավորման մեջ հաշվի կառնի ՆԱՏՕ-ի միջուկային զսպման զորավարժությունները։

Ըստ ICAN-ի ղեկավար Մելիսա Փարքի, որը մեջբերվում է մամուլի հաղորդագրության մեջ, «միջուկային զենքի կիրառման զորավարժությունները լավագույն դեպքում անխոհեմ և անպատասխանատու է», առավել ևս, երբ այն արվում է լայնածավալ զինված հակամարտության համատեքստում, որը սառը պատերազմից ի վեր հասցրել «միջուկային լարվածությունը» ամենաբարձր մակարդակի: