Ինտերը նախատեսում է երկարաձգել պայմանագիրը Հենրիխ Մխիթարյանի հետ

Միլանի «Ինտերը» ծրագրում է երկարաձգել պայմանագիրը կիսապաշտպան Հենրիխ Մխիթարյանի հետ, հայտնում է «Չեմպիոնատ»-ը՝ Quotidiano Sportivo-ին հղումով։ Հայ կիսապաշտպանը պատրաստ է մնալ ակումբում։

Ակումբը 34-ամյա խաղացողին առաջարկում է նոր պայմանագիր մինչև 2025 թվականը՝ ևս մեկ մրցաշրջանով երկարաձգելու հնարավորությամբ։ Միևնույն ժամանակ, Ինտերը պատրաստ է պահպանել Մխիթարյանի ներկայիս աշխատավարձը։ Այն կազմում է տարեկան 3,8 մլն եվրո։ Կիսապաշտպանի գործող պայմանագիրը միլանյան ակումբի հետ նախատեսված է մինչև 2024 թվականի ամառը։

Մխիթարյանը Ինտերում է հանդես գալիս 2022 թվականից։ Ընթացիկ մրցաշրջանում Մխիթարյանը Ա Սերիայում անցկացրել է ութ հանդիպում, որոնցում դարձել է 2 գոլի և մեկ գոլային փոխանցման հեղինակ։ 34-ամյա կիսապաշտպանը հրաժարվել է Սաուդյան Արաբիայից ակումբ տեղափոխվել, որտեղ նրան խոստացել են կրկնապատկել իր աշխատավարձը։