Լիբանանյան բանակը երկրի հարավում հայտնաբերել է 20 հրթիռային կայանք

Լիբանանի զինված ուժերը երկրի հարավային շրջաններում հայտնաբերել են առնվազն 20 հրթիռահրետանային կայանք, որոնցից չորսում դեռ հրթիռներ են եղել։ Այս մասին զինվորականները հայտնել են իրենց կայքում, որին անդրադարձել է ՏԱՍՍ-ը։

«Սահմանամերձ շրջանները զննելուց հետո բանակի ստորաբաժանումներից մեկը հայտնաբերել է 20 արձակման կայան, որոնցից չորսը դեռևս արձակման պատրաստ հրթիռներ ունեին: Տեղակայանքները գտնվում են Ալ-Քլեյլա և Ալ-Շաաթիա քաղաքների շրջանում: Զինվորական մասնագիտացված ստորաբաժանումներից արդեն սկսել են ապամոնտաժել դրանք»,-ասվում է հաղորդագրության մեջ։