Թուրքիայի հարավում մարդատար ավտոբուս է շրջվել

Թուրքիայի հարավում՝ Կայսերի քաղաքում, ճանապարհատրանսպորտային պատահարի հետևանքով տուժել է մոտ 40 մարդ, որոնցից ութը ծանր վիճակում:«ՌԻԱ նովոստի»-ն գրում է, որ լուրը հայտնել է Ihlas գործակալությունը (İHA):

«Կայսերի-Մալաթիա ավտոճանապարհի 91-րդ կիլոմետրում՝ Karaboğaz Mevkii շրջանում, Մուշից Ստամբուլ մեկնող Բուրհան Դ.-ի վարած 34 KG 4949 պետհամարանիշով Muş Ovası ընկերության մարդատար ավտոբուսը, ճանապարհին ուժեղ անձրևի հետևանքով սահելուց կորցրել է կառավարումը և շրջվել»,-հայտնում է գործակալությունը։

Գործակալության հաղորդագրության մեջ ասվում է, որ վթարի հետևանքով ավտոբուսում 41 հոգուց տուժել են 38-ը, որոնցից ութը ծանր վիճակում են: