Ղարիբաշվիլի. Վրաստանը պատրաստ է աշխատել Հայաստանի և Ադրբեջանի հետ Հարավային Կովկասում երկարաժամկետ խաղաղության հասնելու համար

Վրաստանը պատրաստ է աշխատել Հայաստանի և Ադրբեջանի հետ Հարավային Կովկասում երկարաժամկետ խաղաղության հասնելու համար։ Այս մասին հայտարարել է Վրաստանի վարչապետ Իրակլի Ղարիբաշվիլին։

«Իմ կառավարության՝ «Խաղաղ հարևանության նախաձեռնության» օգնությամբ մենք պատրաստ ենք աշխատել մեր հարևանների և բարեկամների՝ Հայաստանի և Ադրբեջանի հետ՝ վերջապես երկարաժամկետ խաղաղություն հաստատելու Հարավային Կովկասում», - ասել է Ղարիբաշվիլին՝ բացելով Մետաքսի ճանապարհի ֆորումը Թբիլիսիում։

Նրա խոսքերը մեջբերում է ՏԱՍՍ գործակալությունը։

Ղարիբաշվիլին նաև նշել է, որ ուրախ է համաժողովում ողջունել Հայաստանի և Ադրբեջանի վարչապետներ Նիկոլ Փաշինյանին և Ալի Ասադովին, ովքեր ժամանել են դրան մասնակցելու։