ՀԱՊԿ-ը հույս ունի վերսկսել համագործակցությունը ԵԱՀԿ-ի հետ

Հավաքական անվտանգության պայմանագրի կազմակերպությունը (ՀԱՊԿ) հույս ունի վերսկսել փոխգործակցությունը Եվրոպայում անվտանգության և համագործակցության կազմակերպության (ԵԱՀԿ) հետ։ ՏԱՍՍ-ը հայտնում է, որ այդ մասին հայտարարել է ՀԱՊԿ գլխավոր քարտուղարի տեղակալ Սամաթ Օրդաբաեւը։

«Մենք դրական ենք վերաբերվում ԵԱՀԿ-ին, կաշխատենք: Բնական հայտնի պատճառներից ելնելով, այդ շփումները փոքր-ինչ դադարել են, բայց հուսով ենք, որ ժամանակ կանցնի, և ամեն ինչ կգնա նույն ուղղով, ինչ նախկինում էր»,-«Եվրասիական անվտանգություն. իրականություն և հեռանկարներ փոխակերպվող աշխարհում» միջազգային բարձր մակարդակի համաժողովին լրագրողներին ասել է նա։

Հոկտեմբերի 26-27-ը Մինսկում տեղի է ունենում «Եվրասիական անվտանգություն. իրականություն և հեռանկարներ փոխակերպվող աշխարհում» միջազգային համաժողովը։ Միջոցառման ընթացքում շուրջ 30 երկրների, ինչպես նաև Անկախ Պետությունների Համագործակցության, Շանհայի համագործակցության կազմակերպության և Հավաքական անվտանգության պայմանագրի կազմակերպության շուրջ 120 ներկայացուցիչներ քննարկում են ներկայիս համաշխարհային և տարածաշրջանային անվտանգության ճգնաժամը հաղթահարելու ուղիները և նախատեսում են ուրվագծել խոստումնալից անվտանգությունը Եվրասիական մայրցամաքի և տարածաշրջանի վրա: