Գազայում 110 բուժաշխատող է մահացել իսրայելական հարձակումների հետևանքով

Գազայի հատվածի շուրջ լարվածության սրման սկզբից ի վեր Իսրայելի կողմից պաղեստինյան անկլավի հրթիռակոծության և ռմբակոծությունների հետևանքով զոհվել է 110 բուժաշխատող։ ՏԱՍՍ-ի փոխանցմամբ, այս տվյալները տրամադրել է Գազայի առողջապահության նախարարությունը։

Գերատեսչության հայտարարության մեջ, որը մեջբերում է Al-Youm as-Sabia լրատվական պորտալը, ասվում է, թե պաղեստինյան հատվածում աշխատող բժիշկները պահանջել են «անհապաղ միջազգային միջամտություն՝ Գազայում բուժանձնակազմին պաշտպանելու համար»: