Իսրայելի մշտական ներկայացուցչի անսպասելի վարքը ՄԱԿ-ում

ՄԱԿ-ում Իսրայելի մշտական ներկայացուցիչ Գիլադ Էրդանը ՄԱԿ-ի Անվտանգության խորհրդի նիստերի սենյակում հանկարծ վերցրել է սեղանին դրված դեղին աստղն ու ամրացրել պիջակին։  ԶԼՄ-ները նկատել են՝ այն նման է աստղին, որը հրեաները ստիպված էին կրել նացիստական Գերմանիայում Հոլոքոստի ժամանակ:

Տեղի ունեցածի տեսանյութը հրապարակել են լրագրողները։

«Մենք կրելու ենք այս աստղը այնքան ժամանակ, քանի դեռ դուք չդատապարտեք ՀԱՄԱՍ-ի վայրագությունները և չպահանջեք անհապաղ ազատ արձակել մեր պատանդներին։ Մենք աշխատում ենք դեղին աստղի հետ՝ որպես հպարտության խորհրդանիշ»,- ասել է Գիլադ Էրդանը։
Մշտական ներկայացուցիչն ընդգծել է, որ աստղն իրեն կհիշեցնի կռվելու ու պաշտպանվելու երդումը։

Գազայի հատվածում զոհերի թիվը գերազանցել է ութ հազարը, որոնց կեսը երեխաներ են, ավելի քան 18 հազարը վիրավորվել են։

МК.RU-ի փոխանցմամբ, կազմակերպությունում ՌԴ մշտական ներկայացուցիչ Վասիլի Նեբենզյան հայտարարել է, որ Իսրայելը ցուցադրաբար անտեսում է բռնություններն անհապաղ  դադարեցնելու մասին կոչերը։