Կալանավորվել է ԱԺ նախկին պատգամավոր Արագած Ախոյանը

«Կամք» նախաձեռնության անդամ Վահագն Չախալյանն տեղեկացնում է, որ Ազգային ժողովի նախկին պատգամավոր Արագած Ախոյանին կալանավորել են:

«Մինչև ուրախացանք մի քանի քաղկալանավորների ազատ արձակմամբ, ռեժիմը նորերին է կալանավորում…

Թե բա ժողովրդավարության բաստիոն։
Ախոյան ջան պինդ մնա»,- գրել է Չախալյանը։

ՀՀ Քննչական կոմիտեի նախագահի մամուլի քարտուղար Գոռ Աբրահամյանը Panorama.am-ին հաստատեց, որ Արագած Ախոյանը կալանավորվել է։

«Քիչ անց հաղորդագրություն կլինի, թե ինչ գործով և ինչ հանգամանքներով է կալանավորվել»,- ասաց նա։ 

24News-ը գրում է, որ Արագած Ախոյանը կալանավորվել է հրապարակային բռնության կոչ հնչեցնելու համար, մասնավորապես 2023 թվականի հունիսի 8-ին ֆեյսբուք սոցիալական հարթակում կատարված գրառման համար։