Թուրքիան հերքում է 2 միլիարդ դոլարի դիմաց 1 միլիոն պաղեստինցիների ընդունելու մասին լուրերը

Թուրքիայի նախագահի վարչակազմը հերքել է նախագահ Ռեջեփ Թայիփ Էրդողանի և Իսրայելի վարչապետ Բենիամին Նեթանյահուի միջև ենթադրյալ համաձայնության մասին տեղեկությունը, թե Թուրքիան համաձայնել է մեկ միլիոն պաղեստինցի ընդունել:

Թուրքական մի շարք ընդդիմադիր լրատվամիջոցներում և սոցիալական ցանցերում տեղեկություններ են հայտնվել, որ Էրդողանը, իբր գումարի դիմաց համաձայնել է Թուրքիա ընդունել մեկ միլիոն պաղեստինցի փախստականների։ Լուրին անդրադարձել է «ՌԻԱ նովոստի»-ին:

«Որոշ սոցիալական ցանցերում, վկայակոչելով Նեթանյահուի հայտարարությունը, տարածված հաղորդագրությունը թե «Էրդողանի հետ պայմանավորվել ենք, որ 1 միլիոն պաղեստինցի 2  միլիարդ դոլարի դիմաց կդառնա Թուրքիայի քաղաքացի և կապրի Թուրքիայում», ճիշտ չէ։ Նախագահ Ռեջեփ Թայիփի կողմից բանակցություններ չեն եղել։ Էրդողանի և Իսրայելի վարչապետ Բենիամին Նեթանյահուի նման հայտարարությունները, ամբողջությամբ շինծու են»,-ասվում է Թուրքիայի Հանրապետության նախագահի աշխատակազմի Ապատեղեկատվության դեմ պայքարի և հաղորդակցության կենտրոնի հայտարարության մեջ։