Օտարերկրյա պետությունների շուրջ 600 քաղաքացի այսօր կկարողանա լքել Գազան

Մոտ 600 մարդ, ովքեր ունեն օտարերկրյա պետությունների քաղաքացիություն կամ երկքաղաքացիություն, նոյեմբերի 10-ին կկարողանան լքել Գազայի հատվածը «Ռաֆահ» անցակետով: ՏԱՍՍ-ի փոխանցմամբ, այս մասին հայտնել է անկլավի սահմանապահ ծառայությունը։

Ծառայության հրապարակած ցուցակներում նշված է 594 մարդ, որոնք 15 երկրների՝ Ալբանիայի, Բրազիլիայի, Գերմանիայի, Դանիայի, Հնդկաստանի, Ինդոնեզիայի, Կանադայի, Չինաստանի, Մալայզիայի, Նիդեռլանդների, Նոր Զելանդիայի, Լեհաստանի, Ռումինիայի, ԱՄՆ-ի, ինչպես նաևՌԴ-ի քաղաքացիներ են:

Վերջին 10 օրվա ընթացքում Գազայի հատվածը վերահսկող ՀԱՄԱՍ շարժումը բազմիցս հրապարակել է օտարերկրացիների և երկքաղաքացիություն ունեցողների ցուցակները, որոնց թույլատրվում է լքել անկլավը: Ընդհանուր առմամբ, այդ ցուցակներում ավելի քան 2 հազար մարդ կա։