MSF-ը հաղորդել է, որ իսրայելական զինուժը հրետակոծել է Գազայի հիվանդանոցի ծննդատունը, Իսրայելը հերքել է այն

Իսրայելի պաշտպանության բանակը (IDF) հարձակվել է Գազայի Ալ-Շիֆա հիվանդանոցի ծննդատան վրա:«Ռիա նովոստի»-ի փախանցմամբ, այդ մասին ասվում է Բժիշկներ առանց սահմանների (MSF) կազմակերպության կայքում տեղադրված հաղորդագրության մեջ։

«Վերջին 24 ժամվա ընթացքում Գազայի հիվանդանոցներն անխնա ռմբակոծվել են: Ալ-Շիֆա հիվանդանոցային համալիրը, ամենամեծ բժշկական հաստատությունը, որտեղ դեռ աշխատում են MSF-ի աշխատակիցները, մի քանի անգամ հարվածներ է հասցվել, ներառյալ ծննդատանը և ամբուլատոր բաժանմունքներին, բազմաթիվ զոհեր և վիրավորներ կան»,-հաղորդում է կազմակերպությունը:

Նրանք նաև ընդգծել են, որ Ալ-Շիֆան Գազայի հատվածի գլխավոր հիվանդանոցային համալիրն է՝ 700 մահճակալով, որը տրամադրում է շտապ և վիրաբուժական օգնություն։ MSF-ն ավելացրել է, որ ներկայումս անկլավում չկան այլ հաստատություններ, որոնք կարող են բուժել բարդ, երբեմն կյանքին վտանգ սպառնացող վնասվածքներով նման թվով հիվանդների:

«Իրավիճակը Ալ-Շիֆայում իսկապես աղետալի է: Մենք կոչ ենք անում Իսրայելի կառավարությանը դադարեցնել այս անողոք հարձակումը Գազայի առողջապահական համակարգի վրա: Մեր անձնակազմը և հիվանդները գտնվում են Ալ-Շիֆայի հիվանդանոցում, որտեղ երեկվանից ինտենսիվ ռմբակոծությունները չեն դադարում»,-ասվում է հայտարարության մեջ, որում ներառված են օկուպացված պաղեստինյան տարածքներում MSF-ի առաքելության ղեկավար Էնն Թեյլորի խոսքերը:

«Բժիշկներ առանց սահմանների» կազմակերպությունը հայտնել է նաև, որ հիվանդանոցը նախօրեին հոսանքազրկվել է, և շտապօգնության մեքենաներն այլևս չեն կարողանում վիրավորներին տանել: Միևնույն ժամանակ, շարունակվող հրետակոծությունները անհնարին են դարձնում հիվանդների և անձնակազմի տարհանումը:
Ավելի ուշ Իսրայելը հայտարարեց, թե իրենք չեն հրետակոծել հիվանդանոցը: