Գազայի դպրոցի ուղղությամբ իսրայելական ուժերի հարվածի հետևանքով զոհվել է շուրջ 200 խաղաղ բնակիչ

Շուրջ 200 մարդ Է զոհվել Գազայի հատվածի հյուսիսում գտնվող Ջեբալիայի «Ալ-Ֆահուրա» դպրոցի տարածքում իսրայելական բանակի հարվածից, գրում է ՏԱՍՍ-ը՝ հղում անելով Al Jazeera հեռուստաալիքին։

Ռմբակոծված ուսումնական հաստատությունը գտնվում է պաղեստինցի փախստականների օգնության և աշխատանքների կազմակերպման ՄԱԿ-ի մերձավորարևելյան գործակալության վերահսկողության ներքո:

Դպրոցի տարածքում ապաստան են գտել բազմաթիվ խաղաղ բնակիչներ, որոնք ստիպված են եղել լքել իրենց տները ՝ վախենալով իսրայելական ուժերի հարվածներից:

Նշվում է նաև, որ դեռ ճշտվում է զոհերի թիվը: