Disney-ը, Apple-ը, IBM-ը Մասկի հայտարարություններից հետո դադարեցրել են գովազդը X-ում

Disney, Warner Bros. Discovery-ն ու մի շարք այլ խոշոր ընկերություններ հրաժարվել են իրենց գովազդը տեղադրել X սոցցանցում, որը պատկանում է ամերիկացի գործարար և միլիարդատեր Իլոն Մասկի, գրում է «Իզվեստիա»-ն։

Դա տեղի է ունեցել Մասկի արտահայտություններից հետո, որոնցում նա մերձավորարևելյան հակամարտությունում ընդգծում է իր բացասական դիրքորոշումը Իսրայելի նկատմամբ։

Բացի Disney-ից, գործարարի հետ հրաժարվել են համագործակցել այնպիսի կորպորացիաներ, ինչպիսիք են Wish-ը, Lionsgate-ը, Comcast NBCUniversal-ը, IMB-ն, ինչպես նաև Paramount-ը և Sony Pictures-ը:

«IBM-ը բացարձակապես չի հանդուրժում ատելության խոսքն ու խտրականությունը, և մենք անմիջապես կասեցրել ենք X-ի բոլոր գովազդները, մինչ մենք հետաքննում ենք այս բոլորովին անընդունելի իրավիճակը»,- ասվում է  ընկերության հայտարարությունում։

Ինչպես նշում Է Axios-ը ՝ հղում անելով իր աղբյուրներին, X-ում գովազդից հրաժարվել է նաև Apple-ը։
Դրան զուգահեռ Մասկը X սոցցանցի իր էջում հայտարարել է, որ իր հարթակում ցանկացած էթնիկ խմբի ցեղասպանության կոչերը կպատժվեն արգելափակմամբ:

«Յուրաքանչյուր ոք, ով կողմ է որևէ խմբի ցեղասպանությանն, այս հարթակում ենթարկվելու է արգելափակման»,- գրել է նա: