Բանգլադեշում բողոքի ակցիաները կարող են ջինսերի համաշխարհային դեֆիցիտ առաջացնել

Բանգլադեշում հասունացող քաղաքական ճգնաժամի ֆոնին զանգվածային գործադուլներ են սկսվել այն գործարաններում, որտեղ ջինսեր են կարում աշխարհի խոշորագույն բրենդների համար` Calvin Klein, Wrangler, H&M, Target, Zara, Tesco, Marks & Spencer և Hugo Boss։

Գործադուլի պատճառը, ինչպես գրում է «Լենտա․ռու»-ն, աշխատանքային պայմաններն են։ Այսպիսով, կարի ֆաբրիկանների աշխատողները պահանջում են աշխատանքային պայմանների բարելավում և աշխատավարձի բարձրացում։

Երկրում տեքստիլ արդյունաբերության ձեռնարկությունների աշխատակիցների աշխատավարձն ամսական կազմում է ընդամենը մոտ 75 դոլար, ինչը ցածր է միջին աշխատավարձից։ Այժմ նրանք պահանջում են աշխատավարձի բարձրացում մինչև 243 դոլար (Բանգլադեշում միջին աշխատավարձն է):

Նշվում է․ որ արդեն փակվել են հարյուրավոր գործարաններ, և եթե իրավիճակը չփոխվի, արդեն 2024-ի սկզբին ջինսե հագուստի հետ կապված խնդիրներ կարող են սկսվել ամբողջ աշխարհում։