Վիրավորական արտահայտություն արեց, ստացավ պատասխան և հարձակվեց իմ վրա.Սոնա Աղեկյանը՝ Անի Խաչատրյանի մասին

«Ձեր նշած ավագանու անդամն այն թիմի սատարողը, ջատագովն ու պաշտպանն է, որի պատճառով Վարզգեն Սարգսյանի արձանի վրա Շուշիում ադրբեջանցին միզել է»,-ասաց Երևանի ավագանու «Մայր Հայաստան» խմբակցության անդամ Սոննա Աղեկյանը՝ պատասխանելով «Հանրապետություն» խմբակցության անդամ Անի Խաչատրյանի հետ ունեցած միջադեպի վերաբերյալ լրագրողի հարցին:

Աղեկյանի խոսքով՝ առավոտից, ինչ սկսվել է ավագանու նիստը, Անի Խաչատրյանը ստանձնել է ՔՊ-ական քաղաքապետի և մյուս ավագանու անդամների փաստաբանի դերը: 

«Ինքն ասաց, թե դահլիճում, ոչ թե ամբիոն է, այլ բեմ, թե մոտենում է բեմին: Այնտեղից վիրավորական արտահայտություն արեց իմ անձի հանդեպ, ստացավ համապատասխան պատասխան, ինչից հետո հարձակում իրականացրեց  իմ վրա»,-հայտարարեց Սոնա Աղեկյանը:

Հիշեցնենք, որ այսօր Երևանի ավագանու նիստում  Անի Խաչատրյանը բեմից Աղեկյանին անվանեց «կոյուղաջրերի թագուհի», վերջինս ջուր լցրեց ամբիոնից վերադարձող Խաչատրյանի վրա: Դրանից հետո Խաչատրյանը քաշեց Աղեկյանի մազերից և դահլիճում իրարանցում  սկսվեց: