Իսրայելի զինուժի հրետակոծությունից Լիբանանի հարավում երկու խաղաղ բնակիչ է զոհվել

Իսրայելական բանակի հրետանին ինտենսիվ կրակ է բացել հարավային Լիբանանի սահմանամերձ շրջանների վրա՝ ի պատասխան շիա «Հեզբոլլահ» խմբավորման զինյալների գործողությունների: Այդ մասին հայտնում է ՏԱՍՍ-ը:

Ինչպես հաղորդում է «Ալ Մանար» հեռուստաալիքը, Հուլա գյուղում արկերը հարվածել են բնակելի շենքին, ինչի հետևանքով զոհվել են մի լիբանանցի կին և նրա որդին, ևս մի քանի մարդ վիրավորվել է։

Հեռուստաալիքի տվյալներով՝ իսրայելական գնդակոծությունից հետո ավերածությունների մասին տեղեկություն է ստացվել նաև Էլ Էդեյսա, Դեյր Միմաս և Քֆար Կիլա բնակավայրերից, այնտեղ զոհեր չկան։