Ամերիկյան ռազմանավը հարձակման է ենթարկվել Եմենից

Ամերիկյան USS Carney ռազմանավը հարձակման է ենթարկվել Եմենից արձակված անօդաչու թռչող սարքերի և հրթիռների միջոցով: Այդ մասին հայտնում է Al Jazeera հեռուստաալիքը։

Հեռուստաալիքի լրագրողները հղում են անում Պենտագոնի աղբյուրին.:«Եմենից հրթիռներ և անօդաչու թռչող սարքեր են արձակվել ամերիկյան Carney ռազմանավի և Կարմիր ծովում գտնվող առևտրային նավերի ուղղությամբ»,-մինչ այդ հաղորդել էր «ՌԻԱ նովոստի»-ն:

Կիրակի ավելի վաղ Al-Hadath հեռուստաընկերությունը հայտնել էր, որ հութիները՝ Եմենի շիական Անսար Ալլահի կողմնակիցները, հարձակվել են բրիտանական առևտրային նավի վրա Բաբ ալ-Մանդեբ նեղուցում, որը միացնում է Կարմիր ծովը և Արաբական ծովի Ադենի ծոցը: Ամերիկյան և իսրայելական նավերը հակազդել էին հարձակմանը: