Արցախը մտքից հանել` նշանակում է համակերպվել Հայաստանի կամաց-կամաց կորստյան հետ. Հովհաննես Իշխանյան

«Անհնար է հայկական Արցախի էջը համարել փակված, քանի որ Արցախը մեր սեփականությունն է բացի նրանց, որ մեր հայրենիքն է, նախնիների բնակավայրը»,- ԱԺ դիմաց  լրագրողների հետ զրույցում ասաց հրապարակախոս, հասարակական գործիչ Հովհաննես Իշխանյանը, ով միացել է «Հայաքվե» նախաձեռնության ակցիային։

Նա ընդգծեց, որ Արցախը մտքից հանել՝  նշանակում է  կամաց-կամաց նույնն անել Հայաստանի հետ։

«Եթե համակերպվում ենք,  որ Արցախը չկա, կհամակերպվենք, որ Սյունքը չկա, կհանձնեն  տարածքներ Տավուշից,  ամբողջությամբ շրջափակման մեջ կվերցնեն ու  հայկական պետականություն առհասարակ կարող ենք չունենալ»,- ասաց Իշխանյանը։

Ըստ նրա, այդ վիճակին չհասնելու, առհասարակ արցախցիներին կրկին Արցախ վերադառնալու հնարավորություն ստեղծելու համար պետք է վերացնել նրանց, ովքեր խոչընդոտում են Արցախի համար պայքարին։

«Այդ խոչընդոտը վերացնելու ճանապարհին,  բնականաբար, պետք է Հայաստանում համագործակցության մշակույթ ձևավորվի։ «Հայաքվեն»  այդ մշակույթը ձևավորողներից մեկն է»,- ասաց Հ.Իշխանյանը։

Մանրամասն՝ տեսանյությում։